ذبول الورد

ذبول الورد في حضرة ~ حبيبي شي معتاده

....... ترا من زين محبوبي ~ نكس وردي له الأعناق

عساني منحرم منه ~ هذاك الزين بزياده

...... تحدّر في حسن , خلّا ~ جميع الخلق له عشّاق

واذا غاب القمر شفني ~ مثل من ضاع له زاده

......... وكيف ابقى دقايق في ~ غيابه دونما أشتاق

انا ما نامت عيوني ~ وكل الناس رقّاده

........ وقلبي لا نـوا شـــوفه ~ يبيّتها وهـــو خفّاق

فديته لا دعا للسلم ~ فيه الحرب وقّاده

......... فديته لامشى مشي ٍ ~ عيون الناس له حدّاق

وأحلى مايعذبني ~ عناده آه يا عناده

......... ونا أدري بأنه منـ ~ ـتهي في داخـله خقــاق

سبا قلبي وخلاني ~ اذوق الهجر وبعاده

......... وانا كليّ صبر إلا ~ إذا تلعب بي الأشواق

وصارت قصتي قصة ~ عبيد الحِسن واسياده

......... ولو غمَضتها عيني ~ ابمشي له وانا منساق

ولو غمَضتها عيني

ابمشي له 
وانا منساق ..

أخوكم

خالد علي الكثيري

29 يناير 2012م