كل عام يا جرحي ..

كل عام والدنيا عساها على خير

ياعل ماتبطي على الناس الافراح


كل عام يا قلبي تجيك التباشير

والهم لا طوّل ، مع العيد ينزاح


كل عام والفرحة ورود وأزاهير

والمرحبا فيها مع العود فوّاح


كل عام وبيوت القرايب لها نسير

معاد فينا خوف، لنّ البلا راح


كل عام نفرح كلنا، كبير وصغير

ومعوض الخسران ابكل الارباح


وكل عام يا(جرحي) ترا الوقت ذا غير

عيّد .. ترا ودي بعد انت ترتاح










بمناسبة أول يوم عيدٍ مر دون أن يكون عيداً




وهنا بالفيديو

على اليوتيوب
https://youtu.be/kKKHJhkjjNA

على تويتر
https://twitter.com/kathiry5/status/1264273038729773056

على انستقرام
https://www.instagram.com/p/CAiwRCKJgLe







كلماتي

خالد علي الكثيري