ياطلعتن للبر في رفقة رجال

قصيدة فاض بها وجداني على ماوجدته في التخييم الأخير في البر مع عيال العم , أقول :

يا طلعتن للبــرّ في رفـقـــة رجال
…………………مع دلتــن فيهــــا المباهيــر فاحت

لاغيّــمت بالجـوّ واتزيّن الحــال
……………… شفــت المــواتر كيّمت لين صــاحت

هدوّ هموم البيت نسوان وعيال
………………. واتسابقوا لا مــن ذرا الغيم لاحــت

شوف المخيم لا بدا نور شغّــال
………………. بين الطعوس الي من الخير شاحت

شوفة حبيب الروح بوحبة الخال
……………….. لامن توارت في حياها وراحت

واتجمّعوا حول الحطب قال ذا قال
…………….. واسمع سواليف البشر لا استراحت

متقزّرين الوقـت في سيحة البال
………………متكمـكمـين وريـحـــة السمْـر فاحت

صحبة رجالن مثلهم مكسب وفال
……………… ماهي شمــوعـن نورّت ثم ساحت

هذا ولــد عمك وهــذا إبــن خال
………………. كل الخــواطر من سلاها وبــاحت

الله على بنتن تمشّــت وتختــال
……………… دبـّـابها ما طاعـهـا يوم نــاحت

الله على ذاك المخيـــم والآثــال
……………. وذيك الطعوس اللي بها الجيب جاحت

هذي دقــــايق مالها ند ومثــال
……………. كـــل الهموم اللي على البــــال طــاحت

وسلامتكم

اخوكم

خالد علي الكثيري
- بياع الورد -