عديتها وافهمك واحسب خطاويك

قصيدة خاصة لمغرور ..

عدّيتها وافهمك واحسب خطاويك
………… واسويّ اللي كــأنه ما فهم حاجـة

واضحك معك واسأل عليك وأداريك
……….. واعرف بصدرك عليّ النار لجاجـة

مثلتّ دور الغبي لجل الغرور يجيك
……….. والا الغبا فيك من كثره به اسراجه

كل الحكاوي ورا ظهْرك تراها فيك
……….. وكل الوجوه اللي تامنها لها حاجة

إصبر ترا كل منهو قربك بيجفيك
……….. والناس ماعادها تطرِب على الصاجه

الوجه لا صار ماهو وجهك بياذيك
………… واللي تخلق بغير اخلاقه اسماجه

تفقد لك اصحاب وبتفقد بعد مغليك
…………. مثلك مثيل الأمير الي فقد تــاجه

دنياك برق البشوت اللي إذا تغريك
………… بالقبر ما تعرف الأكفان ديبـــاجه !

خلك على سمْتك ومحدن ترا يطريك
……….. شف غيـرك الزيـــن فيه فلـّـة حجاجه

لاجاك منّي كتابي افهم اللي يجيك
………. لامن شكيت المرضْ قم دوّر علاجه

هذي حياتن ماترضيني ولاترضيك
………… والبحْر محبوبْ لولا كثرة أمواجه

جديدي

اخوكم
بياع الورد
25 مايو 2010م