الغموض الي على الدنيا يزيد
والبشر ماعادها ذيك البشر
يرحم الله الزمن ذاك البعيد
ويرحم الله ناسه الي بالصور
مابكت عيني على قل العضيد
كثر ماتبكي عزيزن لا انكسر
رايتي لارفرفت في يوم عيد
نكّسوها حاسديني بالحجر
ما ذبحني جارحيني بالوريد
غير ذاك الي تغافلني غدر
طعنة الي تامنه لا جا يكيد
استباحت فرحتي طول الدهر
والدفا لاقد تحاواه الجليد
ماتلاحقها بوقّاد الجمر
جفت علومي على حبل الوريد
ماسقاها في شراييني عمر
وان سقاها شوفني منها زهيد
من سوايا ناس تبطي بالحدر
-
خالد علي الكثيري
4/2/2018
No comments:
Post a Comment