ليس في الصمت مشاعر

لا .. لا يخدعوك

ليسَ في الصمتِ مشاعر

_إنما الصمت ضياعٌ لمشاعر_

ف على الصمتِ بكينا

وعن الصمت سألنا

وإلى الصمت رجونا

وعلى لحظة صمتٍ

كُتبت بعض مشاعر

ومن الصمت وُلِدنا

وكَذا مليونُ شاعر

وعلى الصمت سحقنا

ماتبقى من زهورٍ

ذبلت دون مشاعر

لا تحاول ياعزيزي

_إنما الصمت ضياعٌ لمشاعر_

عندما يبدأُ حبٌ

تنتشي فيك مشاعر

بحروفٍ بشعورٍ بمظاهر

بكلامٍ لا بصمتٍ ستجاهر

إنما الصمت تراتيل وداعٍ

وترانيم رثاء

وتجاويفُ خواءٍ

وأباطيل دواءٍ

وسمومٌ ب سكاكر

_إنما الصمت ضياعٌ لمشاعر_

بعثراتي / خالد علي الكثيري

إيه أخطيت !!

لو قلت أدور لك خطا , إيه أخطيت

يا كثر ما ندمح خطا من نحبّه

لكن تماديت , وانا ما تماديت

ماعاد فيني ضلع باقي تشبّه

خلّص غلاك وانت ماظنّ حبيّت

والحب بحر وما أظنكّ تطبه 

من كثر مافي خاطري "ماتهقويت

غير الفراق الي يجي بالمسبّة"

حاولت أبزرع  في خفوقك وأزريت

أرضك بوسم الحب ماهيب خصبة

حاولت أبسرج في لياليك هـ اللّيت

والليل في جرح المحبّين طِبّه

لكن تواسى شي في عقلي وجيت

والا الأمور بداخلي مستتبة

احشم خفوقك لا تناصيت لك بيت

واياك لا تامن دروب المحبة

خلك على ماقيل حب بأتيكيت

 واحسب حسابك للفراق و تنبّه

من صبّ لك فنجال حب وتقهويت

صبّ الغلا لجله من القلب صبّه

كلماتي

محبكم/

خالد علي الكثيري

4/3/2017

أمانة ما استحى قلبك ؟

أمانة ما استحى قلبك؟ على كثر الذي غابه

يجي في يوم يسألني : حبيبي وينها أيامك

أنا لا طوّل غيابك من الخذلان ارضا به

واقول ان القدر ساقك وساق البعد قدامك

حبيبي اشغلوك الناس كل الناس كذابه

ولكنّ البريق احيان يتماشى مع اوهامك

وياما قد نصحتك بس خبري بك وما تابه

قوي الراس والظاهر  تروق بكثرة آلامك

واذا مشغول ميخالف ترا الأيام غلاّبة

تجيبك حاجتك اصحى ترا مانيب بأحلامك

ترا وصل المصالح انتهى قفّلت أبوابه

اذا ودك غلا حيّاك , والا الباب قدامك !

خالد الكثيري

3/1/2017

طاحو من عيوني رجاجيل

ياما وطاحو من عيوني رجاجيل

دنيا تعلمّني على كثر ما طحت

احمس ذراهم مثل بن المداهيل

واخبر نباهم , ولاتقهويتهم رحت

ماضرّني حكيِن اذا قلته وقيل

هي كلمتي من عقبها ماتزحزحت

أحيان ماتشره اذا الوقت به ميل

لانيب مايل مثله ولا ترنّحت

دنيا على ما شفت فيها تهاويل

ماشفت مثل الي يخونك اذا بحت

ولاشفت مثل الي يهزّ الفناجيل

في خاطره وده يكسّرك لاطحت

ذيك الوجيه الي تزيد العنا ويل

ياكثر ماصرحّت عنهم ولمّحت

خالد الكثيري

9/2/2017

ليتني ذاك الصغير

ليتني ذاك الصغير :: لا احتوى خدك يبوس

غارقن يضحك ولا :: تستحين بضمّته 

//

شمّها ورد وعبير:: كنّها طلة عروس

اسمها الأول علا :: والبلا لا خمّته 

//

عيني ومنها ضرير:: والغصن اضحى يبوس

قلبي وصابه بلا :: والبلا في ذِمّته 

//

ليش يا مزيون خير :: كل من حولك خروس

لا ولا كلمة هلا :: ماهي والله شيمته

//

ارحم اللي لك سهير :: وانت لأحلامه تدوس

كنها بين الملا :: خالته أو عمّته 

//

وسلامتكم