فزّيت من نومي ، أثاريك مرّيت ؟
اثرك تمرّ .. وقلبي ايقول إصحه؟
حسيت في قربك عسى انت حسيّت
و الا فرحت بمثل ما بيّ فرحه ؟
كثر الغلا ناداك ، بس انت ماجيت
وكثر الوسع في خاطري قلت مرحه
وكثر اشتياقي اسألك وانت عيّيت
مدري عسى باقي لنا دروب سمحه
الخاطر الي فزّ لك داخل البيت
وانت الذي مرّيت في ظرف لمحه
هذا ترا قلبي وانا ما تعافيت
أبطي وما أنسى حلاته وملحه
من غابت علومك وانا ما تغافيت
اصبحت في سرحة وامسي بسرحه
قلبي درا بك شوفني شلون فزّيت
فزة قطاتن نامت بـ غصن طلحة
كل البلا .. لا خالفتني المواقيت
ليت الصدف تهديك في يوم منحة
واشوفه محياك واقول ياريت
لحظة لقانا مابها أي مزحه
كلماتي
خالد علي الكثيري
20مارس2018م
