💔
الحب من الله ، لكن العدل مطلوب
يلي تحب أحيان ، و تصدّ أحيان
عطهم وعطني، أو من الظلم ذا توب
إياك، يطلب ذمّتك أي إنسان !
اذكّرك، كل الخطا اسمه ذنوب
وانت وخطيت بحقّي وكنت غلطان
سويتني يوسف ، وسويت يعقوب
كنّي بمصر وكنّك بأرض كنعان
كفّر عن الغلطة , و رجّعني محبوب
وابشر ترا قدرك من اول و له شان
من مدّ لي فنجان مدّيت له كوب
ومن حطني تاجه بخليه سلطان
ومن يبتدي بالود بيديه بآذوب
لكن يعذبني وانا فيه شفقان ؟
يالله ترحم من به الحال مقلوب
وتعدّل علومه ليا صار حيران
الحب من الله ، بس انا فيه مغلوب
كثر الوصل لاصار في كثر هجران
كلماتي
خالد علي الكثيري
No comments:
Post a Comment