صباح الخير مكتوبة
صباح الخير مسموعة
::
صباح الخير وجه لوجه
و بالفديو صباح الخير
اذا مو كافي اتكلّم
ولا تترك بي اللوعه
::
أنا ودّي أصبح لك
قبل تغريد كل الطير
صباحك من قبل ليلك
ضوى لي عتمة شموعه
::
صباحك قصتي أرجوك
لا تتعوّد التأخير
أنا صرت احتري زولك
يمرّ ويرسم الروعه
::
بكل أحداث هذا اليوم
ويعطيني بها تقرير
يبدّد كل أحزاني
يردّ حبال مقطوعة
::
ويبرا جرحي الأول
يخلِّ الـ مايصير يصير
صباحك مبتسم دايم
ترا التكشيرة ممنوعة
::
وصباحي من بدا زولك
أنا بشوفتك والله غير
___
كلماتي . الشاعر/
خالد علي الكثيري
No comments:
Post a Comment