قالت الليلة وصلت
جيت لكـ
دامك سألت
جيت لكـ
لبّيت لك كل ما طلبت
ما دريت بأي عنا
تاركة الدنيا وراي
وكل هَنا
و شوفني
هذي أنا
صرت قدامك "هنا" !
واستراح بنا من اللهفة شعور
ما بعد هاليوم زور
شوفنا دام التقينا
وانتهى كل ماشكينا
قول يلله وش علينا
وش كثر
شفت بحضوري من سواليف الوله
وش كثر باقي معك من اسئلة
وش كثر تشبهني الأشعار ذيك المُرسلة
وش كثر لاقيت فيني من أنا المتخيله
- - - - - - -
- كنتي أكثر ،،
ومن نُدوف السحب الابيض
في شواطي المستحيلة
- كنتي
أطهر
ومن ربيع الديرة ،،
و كل الزهور الي كِستها
قالت انك:
- كنتي
أَزهر
ومن
رحابة كل هذا الكون
والدنيا الوسيعة
- كنتي أكبر
واجمل من النسمة
وعطر الندى
كل الشذى
- أزكى و أعطر
صدقيني
كنتي السيفين
والنخلة
- و كنتي
اللون الأخضر
كُتبت لأحدهم
كُتبت لموقف
بقلمي/
خالد علي الكثيري
No comments:
Post a Comment