عادي ترا لاغبت وش عاد لي فيك
إن غبت والا جيت الحال عادي
ماجبت لي طاري وانا دوم اطريك
اشغلت لك كل رايح وكل غادي
اشتاق لك واقول اشتاق واغليك
واحيان ردك مايجي بالوكادي
مشغول ؟ ياخي ماتجي كل مابيك
القاك تاكل من حنيني و ودادي
ان كان ودك بالبعاد ابمجافيك
حياك من هالليلة و ذا بعادي
ماعاد فيني اسهر بحلو طاريك
ماعاد فيني استمر بعنادي
جرب تحرا لين تتعب مباديك
اصلن ترا هالحب مابه مبادي
جرب وشك وفكر وقول وشفيك
جرب وناديني مثل ما انادي
جرب وشوف شلون هالحب يشقيك
جرب وامشي دربك بدون زادي
يمكن تروف بحال من كان مغليك
يمكن تلاحق مابقى في فوادي
والا اذا مشغول وودك اخليك
شفني بوادي وانت خَلك بوادي
No comments:
Post a Comment