اي نعم غلطان فكرت اعتذر
بس انا وش لي في هذي العلاقة
كل ما حاولت ارقى أنحدر
هي علاقتنا ترا فيها إعاقة
ليلها عتمة ومافيها بدر
والصباح ألي تأخر في عناقه
والكلام الي وما مرّ الصدر
ياترى بيعيش لو بِسم الصداقة؟
حالة الميت وفي حضن القبر
حالة المخنوق لازاد اختناقه
جاتني غلطة على كف القدر
كنها رحمة تبي مني انطلاقه
قلت اروح ولا افكر بالعذر
والعذر احيان يتعبني وثاقه
والقطيعة في بعض حاله.. أجر
لا استحال الحب واتفكك نطاقه
خلها تلعنك وتزيد الهجر
بالأخير وخلها تنهي العلاقة !!
كلماتي
خالد علي الكثيري
19/7/2016م
No comments:
Post a Comment