فاطر وصايم

وانا سهران يا نايم
وانا في درب متهايم

أسولف للطريق اليّ
جمعنا فاطر وصايم

و كنّي ماحكيت بحب
وكنّه صمتك العايم 

وانا لوكنت ابفهمها
بسوّي ماني بفاهم

أروف بنفسي الوجلى
واقول الله يا عالم ؟

واعيد اسأل ، ادوّر لك
 وانا في داخلي ضايم

عسى خلّي تذكّرني
مثل ما أذكره دايم ؟

عسى وايّا برا جرحي
 تبرا منك يا ظالم ؟!

انا طبعي واتعبني
(وفي) في شي مو لازم

صحيح انّا تخارجنا
بس قلبي بقى حايم

أعز الي ترك وصلي
وصرت اسهر وهونايم


وسلامتكم

كلماتي
خالد الكثيري


القصيدة مصورة فيديو

تويتر
https://twitter.com/kathiry5/status/1043176000698363906

يوتيوب
https://youtu.be/Mrwg3RC_5cE