حنّيت لك ،،
وينه
حنينك ؟
و جنّيت
بك
وينه
جنونك ؟؟
اذكر يدينك
واذكر
بها زاهي ردونك
وذاك الحضن، ذاك
وعيونك
وريح
العطر
واذكر
بعد،
يوم الـ تناعسها
جفونك
اذكرك
واذكر لك
من اول (هلا)
هي غير
هي غيـــــــر
(الهلا) ذا اليوم
كلش تغير
!
حتى ترا
نبرة (شلونك)
والضحكة
وأغلب شجونك
ردّ
الربيع الي خذيته
كل
الزهور
كل
الطيور
وكل
الفرح
وكل
الحكي ، وحتى سكونك !
خليتني
وايّا الشتا ؟
ردّ
الدفا
أتعبني البرد وطعونك
أتعبتِني
وآنا اصونك
كنت
احتري إني بآخرها
أكونك
كثر
انتظاري ،،
خانت
حروفي كل أقلامي
وخانت
ظنوني كل مافيني
و واساني
الألم
و صدّقــني
،،
حتى عجزت
انّي أخونك !
الله
يسامحها ظنونك !
- - - -
- - -
بقلمي/
خالد علي الكثيري
12مارس2019
No comments:
Post a Comment