وش اللي رجّعك يابنت وانتي من بدا بالصد
جرحتيني بآخر يوم وماهمّك هجرتيني
نسيتي آخر رسالة ؟ نسيتي جزرنا والمد؟
نسيتي يـــوم أكبــرتك , و انتي تستهينيني
نسيتي يوم قلتي لي: ترا صبري وصل للحـد
اذا ضــــايــقتــك بحبي رجاءاً لا تنـاديني
انا لو تحرقي قلبي عطيتك مثل عود النــد
ترا نفسي على غدرك صراحة ماتخلّيني
ولكن ردّتك عندي مجرّب مثل هذا الرد
تخونين الحبيـب الثــــاني وقبــله تخونــيني
أحبك كان هذا اول ولكن توبتي من جد
دعيت الله يسعدني بعيدن عنك ويغنيني
إذا ظنك حرمتيني عيونْ مكحلة و الخد
أمـــانة وفّري ظــنــّك , لأنـك مــــاحرمتيني
أنا قد شلتك بضاعة بسوق المايسات القد
لقيت بضاعتـك بين البضايع كلهـا( صيني )
عرفت ان البقا للّي على الطيبة نما واعتد
وانا دورت بك طيبة وتاهت بي عناويني
وآخرها بعد ماكنت حبك صايرن لك ند
.وثم ارجع حبيبك؟ لا ! بعيدة يانظر عيني
واذا ماشافته عينك , ترا بيني وبينك ســــــد
رجاءاً إرجعي صوب اللي من أجله تركتيني
من أرشيف قصائدي
اخوكم
خالد علي الكثيري
اخوكم
خالد علي الكثيري
3 يناير 2009م
No comments:
Post a Comment