- ""  جاتني فترة "" -


قد جاتني من دون الأيام فترة ::
:: ماذقت فيها راحتي صبحن وليل

القلب في وسط الحشا فيه حسره ::
:: والعين تبكي من عنا الوجد والويل

يا صاحبي لا صار بالوقت كسرة ::
:: لا تامن اللي بالرخا كان لك خيل

واياك تبدا تعتزي ثم تشره ::
:: المرجلة صارت بالأوزان والكيل

الناس يوم الناس بأوقات عسره ::
:: شفت الخوي يسند خويه عن الميل

كل حيد به غربانه وفيه نسره ::
:: واليوم شفت احيود برخومها تشيل

يالله نرجي في حناياه ستره ::
:: لا صار مافي ليلنا جدي وسهيل

وان عاد باقي في الأمل مد شعره ::
:: قلت الأمل بالله هو خير تأميل


خالد علي الكثيري


 

وا تل قلبي

(( وا  تلّ قلبي  ))



وا  تلّ قلبي  تلة البدو  للذود
من غادي الي شفتها يوم مرّت

فرّت بقلبي فرة الموتر العود
والعز هو عنوانها يوم  فرّت

لاهي قصيرة , لاولاطولها زود
معدولتن بين المزايين قرّت

تمشي بغنج وكعبها يرعد رعود
ومن ريحة العود الميامين ذرّت

تقتلك نظرتها ولاحولها شهود
وتضحك لك الدنيا على ماتحرّت

وعيونها .. ألله  ياعيونها السود
بالنظرة ألي حدّقت بك و حرّت

هي مثلها بين البشر عالي ب زود
متربعة وسط الحشا واستقرت

مالي بذنبن يا ملا خاطري كود
غير انها تطلب لقاي وأصرّت




خالد علي الكثيري

3 مارس 2015م

هف هف علينا يالهوا ! !!

هفهف علينا يالهوا بشعرها .. هف
.................. هذي المتون تحيرك ملتواها

واكتب لنا من شعرها لحن واعزف
............. حق(ن) على ذيك الخصايل تباها

وابدا معي ياساحر بقبلتك .. لف
................. خل الحشا تطفي جمرها بماها

طلة حلاها قد عطا للحلا .. كف !!
................. يوم انثنت غار الحلا من حلاها

راح القمر من حسنها بآخر الصف
................. حتى الحيا صاب النجوم بسماها

ياحالي البسمة ويالمالح العف
.................... يامشية المكسورة بكل حياها

شفني بساعة قربك وعقلي .. اختف
.................... حتى الثقل في مملكتها رجاها

يامايس الخدين شف حسنك يدففف !
.............. اعذر عشيقن من جمالك (عطاها) !



قصيدة موقف

أخوكم


خالد علي الكثيري
18 مايو 2013م

على ذكرى حبيبي

على ذكرى حبيبي قمت أغنّي :: واسولف للنجوم اللي بسمايه

واقول انت الوتر والحب فنيّ :: حمانا الله من اهل الوشايه

حبيبي بســألك عنـك وعني :: انــا قلبي معــك والا معـايه

بـلاي عيونك اللي قد خذنّي :: وخــدّ الورد لامسـت شفايه

وخصــرن لاتمـايل به فتني :: تهــادى لين ضيّع لي هدايه

على خُمر الجـدايل لا رمنّي :: هددها ماتـركني في عنــايه

سرا بي حال إن ماخاب ظنّي :: عجز طب البشر ياصف دوايه

أبات ودمــع عيني بــارحــنّي :: وما للدمـع غيـر الحـب غـايه

كلماتي

اخوكم



خالد علي الكثيري
9 سبتمبر 2012م

ماعاد سلّاني التليفون والشات .. !

جيتك ..

جيتك وشوقي للمسافات زادي :: ماعاد سّلاني التليفون والشات

لانّك بهذا الكون شي غير عادي :: ترمي على قلوب المحبين علّات

ثم تكتفي وانت بحياتي مرادي :: من بعد ماشفت العنا منك بالذات

كلما بغيتك قمت اهوجس وانادي :: واسمع صدى صوتك تكاسير وصْلات

والثم جبين الورد يافل كادي :: واطفي من اشواقي على كلّ مافات

جيتك حبيبي ، والفرح صار بادي :: من يوم خليتك وانا متّ بسكات

جيتك قوافل شوقي بصوت حادي :: حتى الضما ترويه ذكراك مرّات


جيتك ..

وانا ودي بضمّ الأيادي :: ودي تنشّق من ثناياك نسْمات


وسلامتكم

أخوكم

خالد علي الكثيري
9 سبتمبر 2012م

قل للمواجع لا بدت .. هيه! زيدي !!

عطني قصيدك قبلْ تسمع قصيدي : :
……….. : : واعطي حياتك شي من راحة البال

قل للمواجع لا بدت .. هيه! زيدي! : :
………… : : خَلّك على الله واسأله يصلح الحال‎‫

كل الرجا أبدا واغنّي نشيدي : :
……….. : : والشمس تشرق من بعد ليل قد طال‎‫

من ضيقتي ضاقت دماي بوريدي : :
…………… : : ماعاد في ليل الهوى أي موّال

ياعتمة قلوب البشر وش تريدي : :
………. : : يكفي وجرحي من عنا الضيق قد سال

غنِّي على ذاك الزمن ثم عيدي : :
……………: : سبحان ربي مغيّرن كل الأحوال

بقلمي
أخوكم

خالد علي الكثيري

بس كذا .. إحنا انتهينا

فضفضة قلم - خربشة قلب ..

وش علينا ..
~

ناس ما تسأل علينا

~

بعد مارحنا وجينا

…

~
وفي غلاهم قد سعينا

وش علينا ؟

~

ما نسينا ..

~

بعد كل اللي ابتدينا
مانسينا ..

~

وش هو غيرّهم علينا ؟

~

مادرينا ؟

~

وش حصل وش صار فينا ؟

~

ضاع كل ألي بنينا ؟!

~

و
بإختصار
و بكل بساطة
~



احنا
مع بعض ( انتهينا )

~

بس كذا ..
~
احنا انتهينا ! !



من كلماتي

خالد الكثيري