على ذكرى حبيبي قمت أغنّي :: واسولف للنجوم اللي بسمايه
واقول انت الوتر والحب فنيّ :: حمانا الله من اهل الوشايه
حبيبي بســألك عنـك وعني :: انــا قلبي معــك والا معـايه
بـلاي عيونك اللي قد خذنّي :: وخــدّ الورد لامسـت شفايه
وخصــرن لاتمـايل به فتني :: تهــادى لين ضيّع لي هدايه
على خُمر الجـدايل لا رمنّي :: هددها ماتـركني في عنــايه
سرا بي حال إن ماخاب ظنّي :: عجز طب البشر ياصف دوايه
أبات ودمــع عيني بــارحــنّي :: وما للدمـع غيـر الحـب غـايه
كلماتي
اخوكم
خالد علي الكثيري
9 سبتمبر 2012م
No comments:
Post a Comment