لاتنشد القلب لا أسرع بدقاته
……………. ولا تسأل العين لاشدت محاديقه
هذا حبيبك وهذي حالته جاته
……..…….. يفرح بشوفك وانت منشفن ريقه
لاغاب قلنا ترا ماهيب عاداته
…………..….. يسقي حبيبه وثم ينكس أباريقه
ياحول زينه ومن مبسمه وشفاته
…………..….. والا عيونه وسحرن في حماليقه
والا خدوده على حمرة نهاياته
……………. وردن ويأسر على ريحه مع رحيقه
شَعره , ولونه كأنه من عباياته
…………….….. والا عباته إذا ماصار به ضيقة
ياريتني غرشة عطوره ورشّاته
…………….….. ياريتني فوق هذا الصدر تعليقة
حتى عيونه إذا تذرف بدمعاته
…………….… تنزل كذا دون ترعيده و تبريقة
والا عروقه على الساعد ورسماته
…………..…. إبداع قصرن على الجدران تعتيقه
كاس المدامة وقد جرّبت سكْراته
……….…… ماشفت شيّ(ن) ويسكرني مثل ريقه
ياهيه قلبي وزادت فيه علاّته
……………………. اتعبت حالي أقلد ناس عشّيقة
يلعب بعقلي وزادت فيه كذباته
………..……. اعرفه يكذب , ومالي غير تصديقه
يازين حبه بطلعاته ونزلاته
……………..… ياطير نورس وفوق البحر تحليقه
لا طلّ زوله دمحنا كل عثراته
…………….… وان قلت أني اطيقه , حلف لاطيقه
ياريت من عابني يكرمني بسكاته
………………..… ماشاف خلّي ولاقد ذاق تشويقه
من قصائدي
اخوكم
بياع الورد
5 مارس 2009م
No comments:
Post a Comment