بتصل بك ياحياتي واقنص الليلة الأخيرة
…………………… بسمع لصــوتك وكليّ خـــوف لا ألقى جفا
وابكي بدمعي واقوم واحتضن منك الظفيرة
………………… وارتجف خوفي ألاحق من شموعك ماطفا
و ألمس بوجهك ملامح امتلت خوفن و حيرة
……………………. وألحق لآخر دقـــايقنا وأكثرها صفا
و ارتجف لاشفت زولك لاتقفاّني بمسيره
………………………. ماهقيت انك بآخرها تعجـّـل بالقفا
مادريت ان الطريق اللي سلكناه بأخيره
……………………. امتلا شوكن وأنا ماشي من أولها حفا
انتهى عندك مصيري وابتدا ذاك بمصيره
……………………. ودعينيّ ياحياتي و يا دواي و يالشفا
وياعسى ماتقبل الدنيا على مثلك عسيره
…………………………. وياعسى طير السعد في دربكم مرفرفا
اسمحيلي اختم اللي بيننا بكلمة أخيرة
…………………… ياعروسة ألف ألف ألف مبروك , وكفا
بقلمي
بياع الورد
6 يناير 2010م
No comments:
Post a Comment