حوار شعري شيّق حصل بيني وبين الشاعر خالد يوسف الكثيري
في الأيام السابقة وفي لقاء محادثة ألكترونية :
حيث بدأ أولاً أخي خالد يوسف ثم رددت عليه وتوالت الردّيات بيننا :
خالد يوسف الكثيري :
ثلثين ربعي في الوظائف مناديب // والثلث يبحث في بحار الوساطة
عن قشة(ن) تنجيه ولا رعابيب // تنقل فراشه من رمال لـ بلاطة
بياع الورد :
لاتركض لرزقك و يدّك مخاليب // هذي حياتك ماتجي بالهياطه
ياماتكب أرزاقها بالســراديب // وعلى الصواني ماتلاقي بطاطه
وان جيت في حظي تراها متاعيب // أنطر ذهبها وهي تقدم فراطه
خالد يوسف الكثيري :
يا كريم الطبع راعي المــواجيب // طالبك تصدر على قولي إناطة
نوّط المتبوع في طبع المكاتيب // وإجعل الإحساس في طور الإحاطة
بياع الورد :
ان جاك في قول المعاتب عذاريب // ماشق ثوبي غير زود الخياطه
ياسيـدي وكــّل إله الأعــاجيب // ما قـد خلــق شيّن كذا أو عباطه
سبحانه اللي قد كتبها مكاتيب // من قبل تولد لين تمشي صراطه
خالد يوسف الكثيري :
كم واحد(ن) يلمح جموعه مغاريب // في عينهم كنه مولود بـ " شلاطه "
كم واحد(ن) يشكي عذاب الأصاعيب // كم واحد(ن) يفقع كبودي بخراطه
بياع الورد :
لابارك الله في صحيب المطاليب // اللي مصالحــهــا تـــزوّد نشـــاطه
واللي نظرهم قيمتك باللي في الجيب // كلما يزيد الكاش زادت نقاطه
ياصــاحبي خلك مع فايــح الطيب // ( حظّّ الردي ما فتشوها شناطه )
No comments:
Post a Comment