تباهي يابعد عيني
بعين الله محروسة
::
تباهي جعل حسادك
بهذا اليوم مقهورين
تباهي كثر ماتمشين
ابخطوات مدروسة
::
وخلّيهم، عسى خيرة
و ربك لابغاها تزين
كتبلك شي في ظنّك
بها الأحوال محيوسة
::
وهي أجمل حظوظ العمر
في أسرارها التمكين
تباهي وارفعي صوتك
كثير أصوات مخروسة
::
تباهي جِعل من عاداك
في حسراتهم باكين
ترا الدنيا غرابتها
بها الأيام معكوسة
::
تِزِين بكفّ ما تشقى
تخيب بكفّ هالساعين
عسى الأيام في دربك
بها الأفراح متروسة
::
وعسى يارب تسعدها
ومن يسمع يقول آمين
No comments:
Post a Comment