حتى جراحي مهزلة !

حتى جراحي مهزلة

طابت جراح الناس

و جرحي لازال بادي بأوله

كل الخواطر تنجبر وتلقى دروب مسهّلة

عاد اش تقول باللي خاطره

· مالقى له مستشفى يستقبله

· ولا قلب يسأله

· ولا حضن يمسح دموعه المهملة

أنا أضحك ,,

أضحك لأني نسيت الجرح

وضاع مني الظالم

أو إني من البداية أجهله

مهزلة

حتى جراحي كل أبوها مهزلة ! !!

* * *

استوى . ,,

كل شي عندي استوى !

هذا زمن مافي بسوقه للجراح أيّة دوا

حزني وطن ماله وزارة أو خفارة أو لِوا

مايستقيم الحال إلا ولحظة قد إلتوا , ,, !

البلابل لاتغنّت أصدرت صوت العوا !!

استوى . ,,

كل شي عندي استوى !

* * *

الصبر مفتاح الفرج

من قالها , ,, الصبر مفتاح الفرج ؟؟

الصبر عالي يتعب الرحّال بطلوع الدَرَج ! !!

الصبر ماهو صبر على طول الطريق

إلا إذا كان الطريق كله عَوَج !

الصبر مفتاح ,

وفرج هذا خاطري منه مهوب مرتاح ! !!

أسمع اسمه في المسلسل وما أحبه

مايجي إلا اذا في طق , ,, ويثخن في الجراح !

وقتها يقولون : هات رجالتك يافرج !

مايستوي عندي فرج !

داخل فرج أو هو من عندي خرج ! !!

حتى انتظاره سبب ازعاج وشوية بلبلة

بكيفه

لو يجي أو مايجي

أصلاً جراحي كل ابوها مهزلة

طابت جراح الناس وجرحي لازال بادي بأوله .

 

تغريد الطيور

تغريد الطيور

قد تتلاشى بقايا ذاكرتي لأيام الجامعة ولكن تبقى كلمة لا زلت أذكرها حينما دخل ذلك الدكتور الكهل الكردي الأصل على القاعة وهو مثقل بهمّ لم يحكي لنا عنه شيئاً , لاندري هل لأننا صغار على الهموم ؟ حاول أن يفرش الأرض بمافي صدره لكنه تماسك و أخذ نفساً عميقاً وقال بفمه الذي يتدلّى عليه شعر شاربه الأبيض وتزيّن أسوراها لحيته البيضاء وكأنه منظر لقمّة الثلوج الأوروبية قال بتنهيدة واحدة ( للأسر لا للسرور يغرّد في القفص العصفور ) ثم بدأ درسه المعتاد . وبقيت هذه الكلمة محفورة في قلبي وستبقى للأبد .

للأسر , , لا للسرور ,

يغرّد في القفص العصفور , ,

تنهيدةٌ جميلة في زمنٍ , , الهمّ فيه دائم الحضور

ويبقى المأسور , ,

في نظر الحضور

أنه في حبور ! !!

فالقفص الجميل في أطرافه الورد والزهور .

لذلك , , , , قرّر العصفور

أن يخفي أنه كائنٌ مقهور

ويطرب الجميع , بلحنه البديع

وهو في قفصه محصور ! !!!

* * *

لا … لن يجور

.. لكنه بطبعه غيور

فهكذا الطيور

لاتجد الحياة ,, إلا

حينما تقتات في البكور

خفيفةٌ في حجمها

قويةٌ بطبعها

لاتعرف الغرور !!!

تحبّّ كل نور

وتكره الظلام

أو (( مملكة الجحور )) !!

* * *

قد تصنع أعشاشها من خشب البخور

لأنها . .

في عينها

لاتكبر الأمور

لاتعرف الثمين , والغثّ والسمين

فهمّها الوحيد

في يومها الجديد

في لقمةٍ ..

ونظرةٍ قريبة الحدود

العشّ والصِغار

في غصن إيك فارعٍ من شجر الصبّار !! !

وتترك الأرض في الغابات

(( للأسُود ! ! ))

فالعيش في السماء

فضاءٌ في فضاء !

لاتعرف السدود أو جـمارك الحدود !

لكنه ( عصفورنا ) رهين في القفص اللعين

تغريده الذي أطربنا … هو الأنين . !!

للأسر ياحضور ! !!

وليس للسرور , !!

أطربنا بصوته أسيرنا العصفور . !

بيّاع الورد

14/11/1424هـ

حيل . موت . غصب … أحبك

حيل احبك , موووت أحبك , غصب احبك

افهميها .. ترجميها .. ركّبيها .. مدري كيف

المهم هذا شعوري .. داخلي دايم يغنّي

انتي غيّرتي حياتي
بعدما شفتك حياتي


واعرف انك من ظروفي قد يأستي

بس ترا هذا شعوري

واعرف اني ماشريتك
مالي حق بأي شي

بس ترا هذا شعوري

للأسف غذيت قلبك بالأماني

بس ترا ها شعوري

ما قتلتك - لاتقولي

لني اصلن من لقيتك وردةٍ تذبل على غصنن كسير

وبعدها قمت وحفظتك

واعتبرتي قلبي ونبضه لوردك مزهرية

ثم عشتي

من جديد

ثم شفتيني حياتك
ياحياتي

وانا فيك لقيتها هذي حياتي

بس انا كلي أسف قد حددوها لي (حياتي)
واكسرو فيني قلم احساسي وممحاة حزني

ثم قالو لي : اكتب

اكتب اكتب
اكتب انك تفهم بحب البنات

وانها ذابت بحبك وانت بعد تموت فيها

وانك المحظوظ

يالله اكتب



ثم سحبت من الدروج البالية أقدم ورق

واكتب الحرف اللي في قلبي تدمر واحترق

هذا حبي قد بنيته من جبيني بالعرق

وانا اكذب
واعرف اني مالقيت الا بقايا من جروحي

هكذا دايم مواعيدي مع لحظة فرح

تنقلب دايم ترح

ثم دارت بي سنيني

واخطفتني نظرتك ياكل حياتي

واعترفت الحين اني كنت اكذب

في الزمن ذاك القديم
ايه
قسم بالله اكذب

كل حبي ذاك كان بأمر من كل اللي حولي
محكمة عاداتنا ماتعترف إلا بأوامر
في حياتك في شعورك في مصيرك استمع بس للأوامر


بعدما حررت نفسي

وانبتت في كتفي الجنحان
وتعلمت أطير

واكتشفت اليوم حبي

تشبهيني

كل مافيك يقول انك انا

وكل ماحبيتك اكثر اكتشفت انك هنا

بس تراني مالقيتك إلا وقلبي تقيّد

حرروني يوم شفتك
بس قالوا
لاتحب إلا غريمك

وابقى في حضنه قديمك

وابتدت حيرة حياتي ياحياتي
انتظرت الموت في حبي
او ابقى في سباتي

ياحياتي


اسمحي لي لواقول انك بعيني عايشة

في حضن اخضر وسيع
وتركضين بلا شعور وطايشة


بس في ظني



مالهذا الحب نهاية ؟؟


جاوبيني
اقنعيني






بقلمي
25 اكتوبر
بياع الورد

الغروووب

الغروب

لحظة فيها أرى الشمس على البحر تذوب

الغروب

بل من النور هرووب !

وعلى عتمة ليلي أشعل الضوء الكذوب

شمعة أوقدتها ثم أرى الشمعة تذوب

الغروب

ولم الشمع اذا الظلمة فينا ستؤوب؟

أعلى الليل عيوب؟

انما الليل نديم لحزين وطروب

الغروب

وعلى بحرك ليلي بسفيني سأجوب

ومجاديفي أقلامي وقبطاني قلبي

وشراعي هي أفكاري وآلامي ثقوب

الغروب

انه الوجه سعيد

وبه الحزن مشوب

وعلى الخد ترا

دمعي قد شق دروب

الغروب

داخل البسمة أعاني

( داخل البسمة أعاني )

اسمحي لي كم دقيقة بس ألملمها جروحي
……………… واوعدك ماعاد هذا الوجه بتشوفيه ثاني

كنت أظنك شي أغراني ويرضيلي طموحي
………….. كنت اظن الدقة اللي في خفوقك بس عشاني

كنت ابسأل عن غموضك لاتواجه مع وضوحي
…………… كنت ابســـأل عن غيابك لاتوارى في كياني

كنت لاناظرت في عينك أشيّد بك صروحي
…………. واثر هــذا الحب عندك أرضْ مـا فيها مباني

والحسوف اني وقد خصيّتك بهمسي وبوحي
…………… كنت اراهن بك واثر اليوم خسّرني رهاني

كنت لاشفتك انــادي يا هلا بعيني وروحي
………….. وانتي لاعـيــني ولاروحي ولاحتى حنـــاني

كنت لك في قمة الحيرة شويرن لك نصوحي
……………. كنـت اقــدّم كل مــا أقــدر أسويه بـزماني

كنت حتى لو قتلني همّي بوجهك ,, مزوحي
…………. كنت غيثك وان بدا في داخلي قيضن ضماني

كنت اداوي في غيابك مابقى لي من قروحي
…………. وابتسم لك والحقيقة: داخـــل البسمة أعاني

في النهاية .. جت منّك , فارقي بالله روحي !!
…………….. دورّي بين الخلايق ناس تفضا لك ثواني !

قصيدي

اخوكم
بياع الورد
29 يوليه 2010م

احلميني في منامك واحضنيني

احلميني في منــامك واحضنيني
……….. أو أنا بـحلمْك وانا اللي بضمّك

وان بغا حلْمك يخلّص غمّضيني
……….. بسكن بعينك واجاور حلو ثمّك

ثم إبكي أو تباكي .. وادمعيني
……. لجل أجري في وسط خدّك واشمّك

وان تضايقتي وودك تمسحيني
……….. امسحيني ابطرف شالك وكمّك

يعني ودي لو بثوبك تلبسيني
……….. ثم ودي لو اكــون بوسط دمّــك

وان حلا لك تشربيني إشربيني
………. سوّي فيـني أي شي ومـايهمّـــك

اذبحـيني , ذوّبــيني , احـرقيــني
………. وانا مـن زود الغــلا ودي أسمّـك

ليت قلبي فيك وقلبك دفيني
…………. يستريحك عطـلتن ثم يستجـمكّ

من تجين بهاليسار وهي يميني
…………. ريتني ظلّك وطول الوقـت يمّــك

وان شبعــتي ثم قلتي ماتبيني
………….. نزّليني منــزلة خــالك وعمـّــك

يعني فضــلاً لو سمحتي افهميـني
……………. يرحم الله بيّك ويرحـم لك امـّك

كيف افســّر لك محبة تحتويني
…………… ودي أبــدا أنثــرك وارجـع ألمّك

يوم احبك مـــادريت بلايميني
……………. بمدحك لو هالبشــر تبتـلْ تذمـّك

بقلمي ووجداني
مما ألقيته في الأمسية الكثيرية
اخوكم
بياع الورد

عديتها وافهمك واحسب خطاويك

قصيدة خاصة لمغرور ..

عدّيتها وافهمك واحسب خطاويك
………… واسويّ اللي كــأنه ما فهم حاجـة

واضحك معك واسأل عليك وأداريك
……….. واعرف بصدرك عليّ النار لجاجـة

مثلتّ دور الغبي لجل الغرور يجيك
……….. والا الغبا فيك من كثره به اسراجه

كل الحكاوي ورا ظهْرك تراها فيك
……….. وكل الوجوه اللي تامنها لها حاجة

إصبر ترا كل منهو قربك بيجفيك
……….. والناس ماعادها تطرِب على الصاجه

الوجه لا صار ماهو وجهك بياذيك
………… واللي تخلق بغير اخلاقه اسماجه

تفقد لك اصحاب وبتفقد بعد مغليك
…………. مثلك مثيل الأمير الي فقد تــاجه

دنياك برق البشوت اللي إذا تغريك
………… بالقبر ما تعرف الأكفان ديبـــاجه !

خلك على سمْتك ومحدن ترا يطريك
……….. شف غيـرك الزيـــن فيه فلـّـة حجاجه

لاجاك منّي كتابي افهم اللي يجيك
………. لامن شكيت المرضْ قم دوّر علاجه

هذي حياتن ماترضيني ولاترضيك
………… والبحْر محبوبْ لولا كثرة أمواجه

جديدي

اخوكم
بياع الورد
25 مايو 2010م