احلميني في منامك واحضنيني

احلميني في منــامك واحضنيني
……….. أو أنا بـحلمْك وانا اللي بضمّك

وان بغا حلْمك يخلّص غمّضيني
……….. بسكن بعينك واجاور حلو ثمّك

ثم إبكي أو تباكي .. وادمعيني
……. لجل أجري في وسط خدّك واشمّك

وان تضايقتي وودك تمسحيني
……….. امسحيني ابطرف شالك وكمّك

يعني ودي لو بثوبك تلبسيني
……….. ثم ودي لو اكــون بوسط دمّــك

وان حلا لك تشربيني إشربيني
………. سوّي فيـني أي شي ومـايهمّـــك

اذبحـيني , ذوّبــيني , احـرقيــني
………. وانا مـن زود الغــلا ودي أسمّـك

ليت قلبي فيك وقلبك دفيني
…………. يستريحك عطـلتن ثم يستجـمكّ

من تجين بهاليسار وهي يميني
…………. ريتني ظلّك وطول الوقـت يمّــك

وان شبعــتي ثم قلتي ماتبيني
………….. نزّليني منــزلة خــالك وعمـّــك

يعني فضــلاً لو سمحتي افهميـني
……………. يرحم الله بيّك ويرحـم لك امـّك

كيف افســّر لك محبة تحتويني
…………… ودي أبــدا أنثــرك وارجـع ألمّك

يوم احبك مـــادريت بلايميني
……………. بمدحك لو هالبشــر تبتـلْ تذمـّك

بقلمي ووجداني
مما ألقيته في الأمسية الكثيرية
اخوكم
بياع الورد