صباح من ودّه يصبّح ولا ودّه
………….. ان كان باقي تبي تبعد , ترا عادي
بس في خفوقي غلا لك واصلن حدّه
………….. لك في عيوني مكانن عالين سادي
قلت ابتدي والعن الشيطان وا أردّه
………… واهديه حبي و أبينّ مستوى ودادي
واتذكر ايام دمعه لا جرى بخــّـده
……………… واتذكر اني مضيّع لجله رقادي
مدري وش اللي تغير فيه من مدّة
…………… هي وشّةّ العاذلين وكيد حسّادي ؟
أو هجمتن من حبيبٍ جات مرتدة
…………. تقضي على مابقي في داخل فوادي
ما اصعب حبيبك اذا ما تعلمّ الصدّه
…………. لا صار في حضرتك موقادر ينادي
متردد الخاطر المجروح وش عنده
………….. ماهوب زعلان ذاك الرايح الغادي
يسبح رخا ثم يغرق لا نوا الشدّة
………. ( تذبحني اليوم نفس اسباب ميلادي )
ان كان وده يجي حيّا بهــالردّة
…………… بس لابغاني أنادي ( مانب منادي ) !
جديد قصيدي
بس لا تقرونها إلا الصبح
أخوكم
خالد الكثيري
No comments:
Post a Comment