يكبرون . . يتكبّرون

 

 

 

يكبرون . . يتكبّرون

أحيان بعض الناس ودك أنهم مايكبرون

................... يتغيّرون بهالحياة وعلى البشر يتكبّــرون

ينسون تسع شهور حمل يومهم يتخلّقون

............... وينسون مخرجهم كيف المخرج اللي تكرمون

وينسّون أيام الطفولة والرضاع وجونسون

................... وقووم غيّر له وشيل وحط , ياهل يذكرون

لا عقل يطغى به على الدنيا ولاهم يفهمون

................... وان بغو يمشون مثل الناس .. لا مايقدرون

أطفال نجهل ما بهالدنيا غير أُمٍّ حنون

................... وصدرها الحاني ونبكي لابكينا بكل جنون

وتمرّ هالأيام , نكبر , نفهم الدنيا بفنون

...................   أخلاقنا وتبدّلت , والخير و أبعد مايكون

نظلم وننسى ضعفنا نكذب على الناس ونخون

.................... ماهمّنا , مانسمع اللي يحللون ويحرّمون

خطواتنا أختام نضربها على رقاب الحزون

.................... ماتستريح إلا اذا كل اللي حولك يتعبون

حتى قرايبنا وننسى وشهو يعني يقربون

.................... أرحام ونقطعها , لا ونقول هم مايسألون

نمشي بحياة مالها طعم ولاريحة ولون

.............. نضحك على طول الزمن والدمع نادر مايكون

ياحظّ من طوّل بعمره في صلاة وفي سكون

..................... ويشكر الله والبشر حوله بخيره يشكرون

قد زاده الله وماتغيّر يمشي الخطوة بهون

..................... وقلبه اللي يقول دايم ياليت قومي يعلمون

يحب كل الناس ويقدّر وهم مايقدّرون

.................... لكن بسرّ الكل هو أفضلهم وتراهم يعرفون

ليش البشر يطغون ناسين انهم طين معجون

.................... الشغلة كلها في تواضع وبسمتين وتسلمون