وينك ؟ تراني مـا خبرتــك تطوّل // عـــدّت على فــرقاك أيام وأيـــام
وين الوله .. وينــك وأيـــام أوّل // يوم انتـلاقى كلنا شـــوق واحـلام
من زود خوفي قمت حتى اتفــوّل // معذور من زادت به اوجاع والام
منك القـمـر زاده حيا ليـن حوّل // مـن هو يجاري طلتك غير ينضام
تفـرض على دنيـاك منع التجوّل // لاتحسب ان الحب من صـدّكم نام
من شـــافني روّع فــواده وهوّل // مـاني على بعدك من الوجد منلام
شفني مثل ذيبن على الصيد صوّل // هدّه غزالْ وصــاده بقــدّ ولثـام
من بَعدك ان رمت اليمين آتشوّل // حتى الحلا في غيبتك صار لي سام
ودّعتك الله ( يالذهب .. يالملوّل ) // ماني على ردّتــك يـا زين لـــزّام
وسوالم للجميع
قصيدي
اخوكم
بياع الورد
خالد علي الكثيري
10 يناير 2011م
No comments:
Post a Comment