راحت , تقول اعذر غيابي ليا غبت
…………………… عندي ظروفي لكن الود بـاقي
والقلب ذاق الهـم واتغـلّـف بكـبت
………………….. وهي والله مـا درت بإحــتراقي
ياصاح ماني مادحن مثــلـما عبت
………………….. الحـــب ذلٍ في غياب التــلاقي
لا صرت من شوفة حبيبك تهربت
……………………. اذكرك يوم انــك تدوّر عنـاقي
واذكر عيون الما تسقيك يا نبْت
……………………. واذكرك يومن كلنا لك سواقي
واذكرك تنطرني من السبت للسبت
………………………. والحين ولّى كل ماكان راقي
كنت الشموع اللي على سيرتك ذبت
………………….. كنت القصيد وانت بحر اشتياقي
يازين شفني من غلاكم ترا تبت
…………………… يعني جزا حبي لكم هو فراقي ؟
قصيدي
أخوكم
بياع الورد
29 أغسطس 2010م
No comments:
Post a Comment